Намоиши маҳсулоти Тоҷикистон дар «Продэкспо — 2015»
Душанбе, 11.02.2015. (АМИТ «Ховар», Кристина Эрлих).- 9 феврал дар Маркази содироти шаҳри Маскав маросими ифтитоҳи Намоишгоҳи 21 — уми байналмилалии маводи ғизоӣ, нӯшокиҳо ва ашёи хом барои истеҳсоли онҳо таҳти унвони «Продэкспо — 2015» баргузор гардид. Намоишгоҳ бо ибтикори Маркази содирот ва дастгирии Вазорати кишоварзии Федератсияи Русия таҳти васояти Палатаи савдо ва саноати ин кишвар роҳандозӣ мешавад.
«Продэкспо — 2015» воқеаи муҳим ба шумор рафта, аз таваҷҷуҳи зиёди корхонаҳои хориҷӣ ба бозори озуқа далолат мекунад.
Дар намоишгоҳ ширкатҳои машҳури Тоҷикистон аз қабили Ҷамъияти саҳҳомии пӯшидаи «Авруосиё — 2005», Ҷамъияти масъулияташ маҳдуди «Зода», Ҷамъияти саҳҳомии пӯшидаи «Баракат», Ҷамъияти саҳҳомии кушодаи «Интермед», Ҷамъияти масъулияташ маҳдуди «Исфара», Ҷамъияти масъулияташ маҳдуди «Субҳи Ватан» низ иштирок доранд.
Намояндагони корхонаҳои маъруф 20 сол боз намунаҳои маҳсулот ва технологияҳои муосирро дар «Продэкспо» ба маърази намоиш мегузоранд.
Дар ғурфаи Тоҷикистон маҳсулоти хушсифату аз нигоҳи экологӣ тоза, меваи тару тоза ва хушк, асал, шарбати зардолу, хуч, себ ва ғайра намоиш дода мешавад.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
