Натиҷаҳои таҳқиқи меҳнати кӯдакон дар Тоҷикистон
Душанбе, 09.02.2015. (АМИТ “Ховар”, Рафоати Абдулҳамид).- Дар соли 2014 бо ибтикори Агентии омори назди Президенти Ҷумҳурии Тоҷикистон дар ҳамкорӣ бо Созмони Байналмилалии меҳнат (СБМ) муаррифии барномаи “Натиҷаҳои таҳқиқи меҳнати кӯдакон дар Тоҷикистон” сурат гирифт.
Дар барнома доир ба мафҳуми “меҳнати кӯдакон”, сабабҳои меҳнати кӯдакон ва самтҳои гузаронидани пурсишнома миёни 22,6 фоизи кӯдакони синни 5- 17 сола маълумот дода шуд. Зикр гардид, ки тақсимбандӣ пеш аз ҳама аз рӯйи намуди шуғл, синн, ҷои кор, мақоми кор ё шуғл ва дигар паҳлӯҳо тибқи стандартҳои мавҷуда гузаронида шуд.
Ҳамкории самаранок ва мубодилаи мутақобилаи иттилоот бо Хадамоти омори мамолики ИДМ, ҳамчунин бо Кумитаи омори ИДМ мунтазам бо амал бароварда шуд. Ба Кумитаи омори ИДМ дар соли 2014- ум 356 кори оморӣ фиристода шуд.