Нури «Чароғи ҳидоят» дар хобгоҳҳои донишгоҳ

Душанбе, 14.02.2015. (АМИТ «Ховар», Раъно Нусратуллозода).-Дар хобгоҳҳои № 2 ва № 9-и Донишгоҳи давлатии Хуҷанд (ДДХ) ба номи академик Бобоҷон Ғафуров баҳри амалӣ гардонидани дастуру супоришҳои дар Паём баён намудаи Президенти Ҷумҳурии Тоҷикистон бо иштироки устодон ва донишҷӯён маҳфили навбатии тарбиявию маърифатии «Чароғи ҳидоят» доир гардид. 
Тавре аз ДДХ иттилоъ доданд, мутахассиси шуъбаи тарбияи донишгоҳ Маҳмудҷон Ӯлмасов мавзӯи «Вазифа ва масъулияти падару модар дар таълиму тарбияи фарзанд ва уҳдадориҳои фарзанд дар назди волидайн ва ҷомеа дар партави Паёми Президент Эмомалӣ Раҳмон ба Маҷлиси Олии Ҷумҳурии Тоҷикистон»-ро таҳлил ва маънидод намуда, ахлоқу одоби ҷавонон, фарҳанги истифодаи телефонҳои мобилӣ, ки бархе аз толибилмон аз ҷой ва мавриди истифодаи он кам огоҳанд, маълумоти муфассал дод.