Оғози мусобиқа барои дарёфти Ҷоми ФФТ

Душанбе, 02.02.2015 (АМИТ «Ховар», Фарзонаи Давлат).-Шуруъ аз 15-уми феврали соли равон бозиҳои марҳилаи пешакӣ барои дарёфти Ҷоми Федератсияи футболи Тоҷикистон шурӯъ мешавад.   
Бино ба иттилои Федератсияи футболи кишвар, чорумин мусобиқа барои дарёфти Чоми Тоҷикистон дар ду марҳила — пешакӣ ва ниҳоӣ доир мешавад. Бозиҳои марҳилаи пешакӣ аз 15 то 25 феврал дар се минтақа — Душанбе, Суғд ва Хатлон баргузор мегарданд. Марҳилаи ниҳоӣ аз 1 то 15 март дар Душанбе гузаронида хоҳад шуд.
Дар мусобиқа дастаҳои футболи лигаҳои оливу якуми ҷумҳурӣ ширкат мекунанд. Дастаи ғолиби мусобиқа бо Ҷому мадалҳои ФФТ ва маблағи пулӣ дар ҳаҷми 20 ҳазор сомонӣ мукофотонида мешавад. Финалисти мусобиқа бо медалҳои нуқра ва мукофотпулӣ дар ҳаҷми 15 ҳазор сомонӣ ва дастаи  ҷои сеюм бо медалҳои биринҷӣ ва мукофотпулӣ дар ҳаҷми 10 ҳазор сомонӣ сарфароз гардонида мешаванд. Беҳтарин бозигарон ва доварони мусобиқа низ бо туҳфаҳо қадрдонӣ хоҳанд шуд.
Ёдрас мешавем, ки барандаи феълии Ҷоми ФФТ дастаи «Истиқлол»-и Душанбе буда, қабл аз «Истиқлол» дастаи «Регар-ТадАз»-и Турсунзода (2012) ва «Хайр»-и Ваҳдат (2013) Ҷоми мазкурро соҳиб шуданд.