Пешгирии коррупсия дар Кӯлоб

Кӯлоб, 20.02.2015. (АМИТ Ховар», Сулаймони Хол).-Кормандони шуъбаи раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар минтақаи Кӯлоби вилояти Хатлон мувофиқи нақша дар идораву ташкилотҳои минтақа суҳбату вохӯриҳо оид ба пешгирии амалҳои коррупсионӣ доир менамоянд. Чанде қабл чунин вохӯрӣ бо кормандони соҳаи тандурустии минтақа доир шуда, зимни он зикр гардид, ки то ҳанӯз новобаста ба назорати пурзӯр дар баъзе аз беморхонаҳо табибон даст ба амалҳои коррупсионӣ мезананд. Соли 2014   -3 амали коррупсионӣ ошкор шуд. Инчунин зикр шуд, ки ҳамаи беморхонаҳо ба маблағгузории сарикасӣ гузаштаанд ва як қисми хизматрасониҳои тиббӣ пулакӣ анҷом дода мешаванд, вале дар баъзе беморхонаҳо нархнома мавҷуд нест, ки ин боиси ташвиши сокинон гардидааст. Сардори раёсати тандурустӣ  ба мусъулин супориш дод, ки дар бартараф намудани камбудиҳо ва пешгирии амалҳои коррупсионӣ  фаъол бошанд.