Пешгирии офатҳои табиӣ дар Муъминобод
Муъминобод , 17.02.2015. (АМИТ «Ховар», Сулаймони Хол).- Ҳамасола бар асари боронҳои пай дар пай ва омадани сел ба хоҷагии халқи мамлакат хисороти зиёд ворид мешаванд. Хусусан сокинони ноҳияи Муъминобод, ки аз ҳудуди он сою дарёчаҳои зиёд мегузарад, дар фасли баҳор мувоҷеҳи чунин мушкилӣ мегарданд. Баҳри пешгирии офатҳои табиӣ имсол дар ноҳия ситоди доимӣ фаъол гардида, ба корҳои соҳилбандӣ тамоми корхонаю ташкилот ва аҳолӣ ҷалб шуд.
Кормандони муассисаи давлатии нигоҳдории роҳҳои ноҳия низ бо ҷалби техникаи мавҷуда роҳҳоро барқарор карда, дар корҳои соҳилбандӣ ба аҳолӣ ёрӣ мерасонанд. Корҳои соҳилбандӣ бо дастгирии мақомоти иҷроияи ҳокимияти давлатӣ ва соҳибкорон дар дигар сою дарёчаҳои ноҳия идома дорад. То имрӯз ҳазорҳо метри мураббаъ соҳилҳо мустаҳкам гардонида шудаанд. Ба гуфти масъулон корҳои соҳилмустаҳкамкунӣ дар қитъаҳои хатарзо то оғози боронҳои баҳорӣ ва баланд шудани маҷрои сою дарёчаҳо идома дода мешаванд.
Мавриди зикр аст, ки дар давоми панҷ соли охир дар ин мавзеъ дар натиҷаи омадани сел даҳҳо гектар заминҳои корам ва хонаҳои истиқоматию иншооти ёрирасони аҳолӣ хароб гардида, қисми зиёди роҳҳои мошингард, ки деҳаҳоро бо ҳам мепайваст, пурра нест гардидаанд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
