Саркашӣ аз пардохтҳои гумрукӣ ҷиноят аст

Душанбе, 26.02.2015. (АМИТ «Ховар», Муқаддас Темурзода).-   Ҳангоми гузаронидани амалиёти гумрукӣ рӯзҳои наздик дар ноҳияи Ҷаббор Расулов воситаи нақлиёти «Камаз» боздошт шуда, мавриди тафтиши гумрукӣ қарор дода шуд. 
Назар ба иттилои Хадамоти гумруки назди Ҳукумати Ҷумҳурии Тоҷикистон дар дохили бордони нақлиёти мазкур ба миқдори 624 қуттӣ меваи хушк, яъне мавизи сиёҳ ба миқдори 17746 кг ва мавизи нимранги ангури калони ишқор кардашуда ба миқдори 550 кг истеҳсоли Ҷумҳурии Ӯзбекистон, дар дохили халтаҳои боқимондаи гандум (сабус) пинҳон намуда, аз Ҷумҳурии Қирғизистон ба қаламрави гумрукии кишвар бо роҳҳои ғайрирасмӣ бидуни назорати гумрукӣ ворид шудааст.
«Тафтишот нишон дод, ки молҳои номбаршуда ба шаҳрванд Бахтиёр Нормамадов, сокини 38 солаи шаҳри Хуҷанд тааллуқ доранд.
Нисбат ба ин ҳодиса бо моддаи 289 қ. 1 КҶ ҶТ барои саркашӣ намудан аз пардохтҳои гумрукӣ дар ҳаҷми махсусан калон парвандаи ҷиноӣ оғоз гардида, тафтиш идома дорад»,-зикр менамояд сарчашма.