Соли 2015-соли муҳим барои Тоҷикистону Ҷопон
Душанбе, 10.02.2015 (АМИТ «Ховар», Мавҷуда Анварӣ).- «Солҳои оянда дар Тоҷикистон яке аз калонтарин лоиҳаҳои Агентии Ҷопон оид ба ҳамкории байналмилалӣ (JICA), ки барои таъмини кумаки моддию молии бунёди терминали боркашонии «Фурудгоҳи байналмилалии Душанбе» нигаронида шудааст, ба таври грант дар ҳаҷми 50 млн. доллар амалӣ мешавад»,-иттилоъ дод муовини роҳбари Агентии Ҷопон оид ба рушди байналмилалӣ Киёши Кодеро ба хабарнигорон.
Киёши Кодеро илова намуд, ки : «Аз соли 2010 инҷониб масъалаҳо ва мавзӯъҳои калидии ҳамкориҳо ва талошҳои минбаъдаи мо пеш аз ҳама фарогири масъалаҳои дарёфти роҳу василаҳои тавсияи минбаъдаи ҳамкориҳои дуҷониба байни Ҷопон ва Ҷумҳурии Тоҷикистон мебошанд.
Дар ин муддат мо якчанд лоиҳаҳоро дар соҳаҳои нақлиёт, таҷдид ва навсозии роҳҳо, таҳкими иқтидори фурудгоҳ, беҳтар гардонидани таъминоти оби нӯшокӣ дар амал татбиқ намудем ва дар соҳаи тандурустӣ, алалхусус ба масъалаи беҳтар гардонидани шароит ва вазъи модару кӯдак дар вилояти Хатлон таваҷҷуҳи хосса низ изҳор намудем».
Муовини роҳбари Агентии Ҷопон оид ба рушди байналмилалӣ соли 2015-ро барои муносибатҳои дуҷонибаи дипломатии Тоҷикистону Ҷопон хеле соли муҳим ва калидӣ арзёбӣ намуда, изҳори умед намуд, ки то охири имсол ва оғози соли оянда мақоми ҳузури дипломатии Ҷопон дар Ҷумҳурии Тоҷикистон ба мақоми Сафорати комилҳуқуқ, яъне ба Сафири Фавқулодда ва Мухтор баланд бардошта мешавад.
Дар радифи таҳкими минбаъдаи ҳамкориҳо ва муносибатҳои дуҷонибаи дипломатии ду кишвар Агентии Ҷопон оид ба ҳамкориҳои байналмиллалӣ низ тасмим гирифтааст, ки барои беҳтар гардонидани сатҳи некӯаҳволии мардуми Ҷумҳурии Тоҷикистон талош намояд.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






