Суғд: Соҳибкорон як сол аз пардохти иҷорапулӣ озод гардиданд

Душанбе, 24.02.2015 (АМИТ «Ховар», Мавҷуда Анварӣ).- Марказҳои савдои «Тоҷир», «Баҳор» ва «Сино», ки бар асари сӯхтор дар таърихи 15-уми ноябри соли 2014 ба коми оташ рафта буданд, пас аз таҷдид дубора ба истифода дода шуданд.
Дирӯз раиси вилояти Суғд Абдураҳмон Қодирӣ бо мақсади иштирок дар маросими ба истифодадиҳии марказҳои савдо ба ин макон омада, бо сифати корҳои сохтмонӣ аз наздик шинос шуд. Тавре ки таъкид гардид, марказҳои савдо бо тарҳи наву замонавӣ бунёд гардида, соҳибкорон имкон пайдо намуданд, ки дар дӯконҳои замонавӣ ба кори худ оғоз бахшанд. 
Зимни боздид раиси вилоят таъкид намуд, ки бо мақсади дастгирии соҳибкороне, ки аз сӯхтор зарар диданд, онҳо дар давоми як сол аз пардохти иҷорапулӣ озод ҳастанд. 
Баъди мавриди истифода қарор гирифтани марказҳои савдо соҳибкорон низ соҳиби ҷойҳои корӣ гардиданд.