Тақдими китобҳои таълимӣ ба донишгоҳҳо

Душанбе, 19.02.2015. (АМИТ “Ховар”, Ситораи Боймурод).- Ба иттилои сомонаи расмии Китобхонаи миллии Тоҷикистон, бо пешниҳоду дархости донишҷӯёни риштаи сайёҳӣ ба донишҷӯёни  Донишгоҳи давлатии Қӯрғонтеппа ба номи Носири Хусрав, Донишгоҳи давлатии Данғара ва Донишгоҳи давлатии Кӯлоб ба номи Рӯдакӣ,  китобҳо бо номи «Туризми фарҳангӣ», «Иқтисодиёти туризм», «Маҷмӯи санадҳои меъёрӣ-ҳуқуқии соҳаи туризм», «Захираҳои туристии Тоҷикистон» ва «Ташкил ва технологияҳои хизматрасонӣ дар меҳмонхонаҳо» аз ҷониби Кумитаи ҷавонон, варзиш ва сайёҳии Тоҷикистон 740 адад китоби таълимӣ тақдим   шуд.