Таҷлили Рӯзи Артиши миллӣ дар ДМИТ
Душанбе, 24.02.2015. (АМИТ «Ховар», Раъно Нусратуллозода).-Ба ифтихори 22-юмин солгарди Қувваҳои мусаллаҳи Ҷумҳурии Тоҷикистон 23 феврал дар Донишкадаи молия ва иқтисоди Тоҷикистон (ДМИТ) чорабинии фарҳангиву маърифатӣ доир гардид.
Тавре ки аз ДМИТ иттилоъ доданд, дар ҷамъомади тантанавӣ муовини ректор оид ба таълим Илҳомуддин Иброҳимов иброз дошт, ки Артиши миллии мо дар ин солҳо аз озмоишҳои шадид гузашт ва имрӯз ба як неруи қудратманди низомӣ, муҳофизи сулҳу субот ва фазои орому осудаи кишвар табдил ёфта, баҳри ҳифзи боэътимоди марзу буми кишвари маҳбубамон собитқадамона рушду такомул меёбад. Ҷои зикр аст, ки таҳаввулот ва ҳодисоте, ки дар вақтҳои охир бархе аз кишварҳоро фаро гирифтаанд, моро водор месозанд, ки ҳушёрии сиёсиро аз даст надиҳем ва масъулияти шаҳрвандии хешро боло бардорем. Ҳар як ҷавонмард бояд донад, ки дӯст доштани Ватан- ин дар арҷгузории арзишҳои миллӣ, пос доштану ҳифз намудани ҳар як ваҷаб замини диёр ва дар худшиносию ифтихори миллӣ ҳувайдо мегардад.
Инчунин дар ҷамъомад чанд нафар собиқадори ҷанги Афғонистон ва мақомоти қудратии кишвар, аз ҷумла Миралӣ Шодмонов, Муродалӣ Давлатов, Нусратулло Ашӯров, Бегмурод Раҷабов ва Маҳмадулло Зуҳуров бо фармоиши вазири мудофиаи ҶТ бо медалҳои ҷашнии Қувваҳои мусаллаҳи ҶТ сарфароз гардиданд.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






