Ташрифи ҳайатҳои хориҷӣ ба Тоҷикистон

Душанбе, 27.02.2015 (АМИТ «Ховар»).- Дирӯз бо сафари корӣ муовини аввали вазири мудофиаи Федератсияи Русия Аркадий Бахин  ба Душанбе ташриф овард.
Тавре ки аз Вазорати корҳоии хориҷии Ҷумҳурии Тоҷикистон хабар доданд, 26 феврал ҳайати Кумитаи иҷроияи Иттиҳоди Давлатҳои Мустақил бо роҳбарии раиси Кумитаи иҷроия-Котиби иҷроияи Иттиҳоди Давлатҳои Мустақил С.Н. Лебедев ба  ҳайси роҳбари нозирони ИДМ дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон ба Душанбе омад.
    Инчунин 28 феврал — 3 марти соли 2015 ҳайати вакилони Парлумони Аврупо ба ҳайси нозирони интихоботи парлумонӣ ва ҳайати нозирон аз  Созмони ҳамкории Шанхай дар интихоботи парлумонӣ бо роҳбарии муовини Котиби генералии Созмони Ҳамкории Шанхай С. Имандосов ба Душанбе меоянд.
    Дар назар аст, ки 3-4 марти соли 2015 сафари кории Сафири Фавқулода ва Мухтори Австралия дар Ҷумҳурии Тоҷикистон (муқими шаҳри Маскав)  Пол Майлер  ба Ҷумҳурии Тоҷикистон сурат гирад.