Тоҷикистону Русия бояд имкониятҳои ҳамкории судмандро истифода намоянд
Душанбе, 17.02.2015. (АМИТ «Ховар», Кристина Эрлих).- 16 феврал раиси Палатаи савдо ва саноати Тоҷикистон Шариф Саид дар шаҳри Душанбе бо сафири Федератсияи Русия дар Тоҷикистон Игор Лякин — Фролов мулоқот анҷом дод.
Назар ба иттилоои ПСС ҶТ, дар ҷараёни мулоқот доираи васеи масоили ҳамкории дуҷонибаи ҳар ду кишвар дар бахши иқтисодиёт баррасӣ шуд. Мусоҳибон изҳор доштанд, ки барои рушду густариши ҳамкории мутақобилан муфид бахшҳои мушаххас мавҷуданд.
Зикр шуд, ки алҳол дар ҳудуди Тоҷикистон беш аз 100 корхона бо истифода аз сармояи Русия дар бахшҳои гидроэнергетика, иктишофи канданиҳои фоиданок ва сохтмону савдо фаъолият доранд. Русия шарики асосии тиҷоратию иқтисодии Тоҷикистон маҳсуб ёфта, ҳиссаи он дар соҳаи тиҷорати ҷумҳурӣ беш аз 20 фоизро ташкил медиҳад.
Шариф Саид ҳамчунин таваҷҷуҳи дипломати Русияро ба зарурати таъсис додани Шӯрои соҳибкорони Русия ва Тоҷикистон ҷалб намуд, ки он ба таҳкими муносибатҳои байнидавлатӣ мусоидат хоҳад кард.
Игор Лякин — Фролов дар навбати худ аҳамияти табодули иттилооти дорои хусусияти иқтисодию тиҷоратиро зикр карда, иброз дошт, ки ҷониби Русия имкониятҳои Палатаи савдо ва саноати Тоҷикистонро дар соҳаи мазкур истифода менамояд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






