Вохӯрии созандаи Кумитаи ҷавонон дар Сарбанд

Душанбе, 19.02.2015 (АМИТ “Ховар”, Рафоати Абдулҳамид).- Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон бо мақсади баланд бардоштани маърифати ҳуқуқию сиёсии ҷавонон, тарбияи онҳо дар руҳияи ватандӯстию ватанпарстӣ ва пешгирии шомилшавии наврасону ҷавонон ба ҳизбу ҳаракатҳои иртиҷоӣ дар як қатор шаҳру ноҳияҳои вилояти  Хатлон суҳбату вохӯриҳоро доир менамояд.   
Чунин як вохӯрии судманд дар толори муассисаи таълимии №4- и ҷамоати деҳоти Гулистони шаҳри Сарбанд доир гардид. 
Дар вохӯрӣ масъулин бо намояндагони ҷавонон, занон, пешоёни дин, падару модарон  ва дигар аҳли ҷамоат мулоқот намуда, дар бораи  тарбияи ҷавонон, пешгирии ҷинояту ҷинояткорӣ ва дигар амалҳои номатлуб миёни  ҷавонон суҳбати озоду ошкоро баргузор намуданд.