Вохўрии Н. Ализода бо Т. Ахсамбоев
Душанбе, 23.02.2015 (АМИТ «Ховар»).- 23 феврали соли 2015 вохўрии Сафири Фавқулода ва Мухтори Ҷумҳурии Тоҷикистон дар Ҷумҳурии Қазоқистон Назирмад Ализода бо муовини вазири энергетикаи Ҷумҳурии Қазоқистон, ҳамраиси қисми қазоқистонии Комиссияи байниҳукуматӣ оид ба ҳамкориҳои тиҷоратию иқтисодӣ Талгат Ахсамбиев баргузор гардид.
Зимни мулоқот тарафҳо сатҳи кунунии ҳамкориҳо ва масъалаҳои дурнамои рушди муносибатҳои дуҷониба байни Тоҷикистону Қазоқистонро дар соҳаҳои иқтисод, тиҷорат, сўзишворию энергетика, транзитӣ-нақлиётӣ, сармоягузорӣ ва мушкилиҳои соҳибкорон мавриди муҳокима қарор дода, ҷиҳати тақвияти ҳамкориҳои мутақобилан судманд дар бахшҳои алоҳидаи иқтисодӣ, ҷалби сармояи қазоқистонӣ ба иқтисодиёти Тоҷикистон ва таъсиси корхонаҳои муштарак табодули назар намуданд.
Ҷонибҳо зарурати фаъолгардонии кори Комиссияи байниҳукуматӣ оид ба ҳамкориҳои тиҷоратию иқтисодиро, ки баргузории ҷаласаи навбатии он 19-20 марти соли 2015 дар шаҳри Душанбе дар назар аст, ҳамчун механизми таъсирбахш барои муайян намудани самтҳои афзалиятноки муносибатҳои дуҷониба ва мутақобилан муфид қайд карданд.
Мулоқот дар фазои дўстона ва ҳусни тафоҳум сурат гирифт.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






