Вохўрии Сафири Тоҷикистон бо Вазири корҳои дохилии Қазоқистон

Душанбе, 25.02.2015 (АМИТ «Ховар»).- 25-уми феврали соли 2015 вохўрии Сафири Фавқулодда ва Мухтори Ҷумҳурии Тоҷикистон дар Ҷумҳурии Қазоқистон Назирмад Ализода бо Вазири корҳои дохилии Ҷумҳурии Қазоқистон Калмуханбет Касимов баргузор гардид.
Дар ҷараёни мулоқот самтҳои асосии ҳамкориҳои дуҷониба ва бисёрҷониба, раванди татбиқи лоиҳаҳо ва барномаҳои муштарак дар соҳаҳои мухталиф, аз ҷумла дар ҳошияи Созмони ҳамкории Шанхай ва таҳкими пояи шартномавию ҳуқуқии муносибатҳои Тоҷикистону Қазоқистон баррасӣ шуданд.
Ҳамчунин, ҷонибҳо оид ба тартиби будубоши шаҳрвандон дар ҳудуди кишварҳои якдигар ва дигар масъалаҳои ҷолиби таваҷҷуҳи тарафайн мубодилаи афкор намуданд.