Қадрдонии Ҳ. М. Шмид аз Тоҷикистон ҳамчун ҷонибдори қавии ҳамкориҳои минтақавӣ
Душанбе, 11.03.2015. (АМИТ «Ховар»). — «Ман бо мақсади иштирок дар Муколамаи сатҳи баланди Иттиҳоди Аврупо ва Осиёи Марказӣ оид ба амният ба Душанбе омадам ва барои тасмими Ҳукумати Тоҷикистон ҷиҳати мизбонии марҳилаи дуюми ин муколима изҳори сипос менамоям», — тазаккур дод 11 март ба хабарнигорон пас аз мулоқот бо Президенти Ҷумҳурии Эмомалӣ Раҳмон муовини котиби генералии Хадамоти аврупоии фаъолияти хориҷӣ Ҳелга Мария Шмид.
Вай афзуд, ки дар доираи сафари худ ва иштирок дар ин муколама мулоқоти хеле судманд ва муфиди ман бо Президенти Ҷумҳурии Тоҷикистон доир гардид. Ман аз тасмим ва талоши Тоҷикистон ҳамчун ҷонибдори қавии ҳамкориҳои густурдаи минтақавӣ баланд қадрдонӣ намудам. Умедворам, ки дар оянда барои рафъ намудани мушкилоти минтақавӣ ва он чолишҳои ҷаҳонӣ, ки имрӯз ҳамаи мо мувоҷеҳ гаштаем, даст хоҳем ёфт. Танҳо дар амали дастаҷамъона мо метавонем тамоми ин мушкилотро рафъ намоем.
«Ман инчунин имкон доштам мавзуъҳои марбут ба ҳамкориҳои дуҷонибаро низ бо муҳтарам Президент мавриди муҳокима қарор диҳам. Ҷаноби Президент барои идома додани анъанаи хуби муносиботи ҳасана ва ҳамкориҳои густурда бо Иттиҳоди Аврупо изҳори рағбат намуданд. Ҳамчунин масоили марбут ба нақш ва мақоми занон дар ҷомеаро мавриди муҳокима қарор дода, доир ба талошу нақши онҳо табодули афкор намудем», — гуфт дар хотима Ҳелга Мария Шмид.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






