Ҷаласаи Комиссияи байниҳукуматии Тоҷикистону Қазоқистон
Душанбе, 20.03.2015. (АМИТ «Ховар», Бекназар Абӯбакр). — 19 марти соли ҷорӣ бо ибтикори Кумитаи давлатии сармоягузорӣ ва идораи амволи давлатии Ҷумҳурии Тоҷикистон дар шаҳри Душанбе ҷаласаи 12 Комиссияи байниҳукуматии Тоҷикистону Қазоқистон оид ба ҳамкориҳои иқтисодӣ ба кори худ оғоз намуд.
Ҷаласаро раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон, ҳамраиси қисми тоҷикистонии комиссияи мазкур Қодири Қосим бо сухани муқаддимавӣ оғоз карда, ба ҳозирин оид ба раванди ҳамкориҳои гуногунҷабҳаи иқтисодии Тоҷикистону Қазоқистон ва самтҳои ояндаи ҳамкории ду кишвар маълумот доданд.
Ҳамзамон дар ҷаласаи мазкур муовини вазири энергетикаи Ҷумҳурии Қазоқистон, ҳамраиси қисми қазоқистонии комиссия Талгам Ахсамбиев сухан гуфт.
Тибқи маълумотҳои оморӣ дар соли 2014 ҳаҷми гардиши савдои Тоҷикистону Қазоқистон 858,8 млн. долл. ИМА-ро ташкил дод, ки аз он 177,7 млн. долл. ИМА-ро содирот ва 681,0 млн. долл. ИМА-ро воридот ташкил медиҳад, ки нисбат ба соли 2013 афзоиши ҳаҷми умумии гардиши савдои байни ду кишвар 147,5 млн. долл. ИМА ё 20,7%, аз ҷумла содирот 92,2 млн. долл. ИМА ва воридот -55,2 млн. долл. ИМА-ро ташкил медиҳад.
Дар давраи солҳои 2007-2014 аз Ҷумҳурии Қазоқистон ба Ҷумҳурии Тоҷикистон дар ҳаҷми 522,7 млн. долл. ИМА сармояи хориҷӣ ҷалб гардидааст, ки аз он 105 млн. долл. ИМА сармояи мустақим ва 369 млн. долл. ИМА дигар намуди сармоягузориҳои аз ҷониби корхонаву ташкилотҳо ҷалбкарда ташкил медиҳад. Танҳо дар соли 2014 дар ҳаҷми 41,9 млн. долл. ИМА сармоягузорӣ ҷалб шудааст, дар ҳоле, ки ин нишондиҳанда дар соли 2013-ум 24,7 млн. долл. ИМА-ро ташкил медод.
Тибқи маълумотҳои равзанаи ягонаи ширкатҳои дорои сармояи хориҷии Кумитаи андози назди Ҳукумати Ҷумҳурии Тоҷикистон ба ҳолати 1 октябри соли 2014 дар Ҷумҳурии Тоҷикистон 84 корхона бо сармояи ҷониби қазоқистонӣ ба қайд гирифта шудааст.
Дар ҷаласа тарафҳо ба натиҷа расиданд, ки ҳамкориҳои худро дар соҳаҳои тиҷорат ва иқтисод, сармоягузорӣ, энергетика, саноат, муҳоҷирати меҳнатӣ, маориф ва илм, фарҳанг, варзиш ва сайёҳӣ, нақлиёт ва ҳифзи муҳити зист боз ҳам тақвият бахшанд.
Аз рӯи натиҷаҳои ҷаласа 20 март Протоколи ҷаласаи 12-уми Комиссияи байниҳукуматии Тоҷикистону Қазоқистон оид ба ҳамкориҳои иқтисодӣ ба имзо расид.
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
