Ҷамъбасти мусобиқаи вилоятӣ оид ба муштзанӣ
Душанбе,02.03.2015 (АМИТ Ховар, Рафоати Абдулҳамид).- Аз 25 то 28 феврали соли 2015 дар толори варзишии «Ҷашнӣ»- и шаҳри Чкалов чемпионати вилоятӣ оид ба муштзанӣ (бокс) байни мардон ва бонувони аз 19 то 40 сола дар вазнҳои гуногун бахшида ба Наврӯзи байналмиллалӣ баргузор гардид.
Тавре ки Хадамоти матбуоти раиси вилояти Суғд хабар додааст, дар чемпионати мазкур зиёда аз 50 нафар варзишгари вилоят, дастаҳои шаҳрҳои Хуҷанд, Чкалов, Исфара, Истиқлол, Конибодом, ноҳияҳои Бобоҷон Ғафуров ва Ҷаббор Расулов ширкат варзид.
Дар байни мардон ҷойҳои намоёнро дар вазнҳои аз 45 то зиёда аз 100 кг 32 нафар варзишгар аз шаҳру навоҳии номбурда ишғол намуд.
Ҳамин тариқ, байни бонувон дар вазнҳои аз 50 то 64 кг Рухшона Бошмонова, варзишгар аз ноҳияи Бобоҷон Ғафуров, Умедахон Зокирова ва Калиновская Вероника аз шаҳри Исфара, Фарзона Мамадҷонова аз шаҳри Чкалов, Наргиза Зокирова аз ноҳияи Ҷаббор Расулов сазовори ҷойҳои намоён гардиданд.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






