14 шаҳрванди Тоҷикистон аз марзи Абхазия баргардонида шуд
Душанбе, 05.03.2015. (АМИТ «Ховар», Лайло Тоирӣ).-Бо мусоидати Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар минтақаи Ҷануби Федеролии Русия дар ҳамкорӣ бо кормандони Сафорати Ҷумҳурии Тоҷикистон дар Федератсияи Русия, 14 нафар шаҳрванди Тоҷикистон аз Абхазия ба таври муташаккилона ба Ватан баргардонида шуд. Ин шаҳрвандон бо мақсади қонунигардонии будубоши минбаъдаи худ дар Федератсияи Русия ба Ҷумҳурии Абхазия сафар намуданд. Ҳангоми воридшавӣ маълум гардид, ки бо сабабҳои вайрон намудани қонунҳои муҳоҷирати Русия воридшавии дубораи онҳо ба ин кишвар манъ шудааст. Баъд аз муроҷиат намудани шаҳрвандон ба намояндагӣ ба онҳо кумакҳои лозимӣ расонида шуданд.
1 марти соли 2015 фиристодани шаҳрвандон аз Абхазия тавассути фурудгоҳи ш.Сочи ба ш.Хуҷанд дар ҳамкорӣ бо филиали Ташкилоти ҷамъиятии кишвари Краснодар «Содействие»-и Сочи ташкил шуд.
Ин воқеаи аввалин нест, ки шаҳрвандони мо ба чунин ҳолат гирифтор мешаванд. Қаблан низ ба гурӯҳе аз шаҳрвандони мо барои убури транзит аз Абхазия тавассути Русия мусоидат карда шуда буд. Мушкилӣ дар он аст, ки байни Абхазияву Тоҷикистон хатсайри мустақими транзитӣ вуҷуд надорад. Сарфи назар аз огоҳ намудани шаҳрвандони Тоҷикистон то ҳол баъзе ҳамватанони мо аз Федератсияи Русия ба ҷониби Абхазия марзро убур намуда, ба мушкилиҳо дучор мешаванд.
Намояндагии Вазорати меҳнат, муҳоҷират ва шуғли аҳолӣ бори дигар ба маълумоти шаҳрвандон мерасонад, ки пеш аз убури сарҳади ФР ба Абхазия ҳолати манъи вуруди худро ба ФР тавассути сомонаи расмии Хадамоти федералии муҳоҷирати Русия бисанҷед ва ё ба Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Русия оид ба муҳоҷират муроҷиат намоед.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
