6 рӯзи истироҳатӣ дар Наврӯз

Душанбе, 16.03.2015. (АМИТ «Ховар», Мавҷуда Анварӣ).-Ба муносибати ҷашни Наврӯзи байналмилалӣ дар Тоҷикистон 6 рӯзи истироҳат эълон шудааст. Бино ба иттилои Федератсияи мустақили иттифоқҳои касабаи Тоҷикистон дар кишвар ҷашни Наврӯз рӯзҳои 21, 22, 23 ва 24-уми март таҷлил   мешавад. 
Аз он, ки рӯзҳои 21 ва 22-юми март ба рӯзҳои истироҳатии шанбе ва якшанбе рост меоянд, рӯзҳои 25 ва 26-уми март низ истироҳат эълон мешаванд. Ба ин тартиб, аз 21 то 26-уми март барои кормандони идораҳо рӯзҳои истироҳатӣ мебошанд.
Бори аввал нест, ки аҳолии Тоҷикистон ба муносибати ҷашни Наврӯз 6 рӯз истироҳат доранд. Соли гузашта низ дар иди Наврӯз барои аҳолӣ 6 рӯз истироҳат эълон шуд.
Дар умум бо шумули рӯзҳои шанбеву якшанбе дар моҳи март 14 рӯз истироҳат хоҳад буд.