Аввалин натиҷаҳо аз раъйдиҳӣ ба интихоботи парлумонӣ

Душанбе, 1.03.2015. (АМИТ «Ховар», Бекназари Абӯбакр). — Комиссияи марказии интихобот ва раъйпурсии Ҷумҳурии Тоҷикистон иттилоъ дод, ки то соати 09:00 субҳи 1 март 31 фоиз раъйдиҳандагон дар маъракаи муҳими сиёсӣ — интихоботи парлумонӣ ва маҷлисҳои шаҳрию маҳаллӣ  иштирок намуданд. 
Бино ба иттилои раиси дастгоҳи КМИР Абдуманнон Додозода, ки дар саросари ҷумҳурӣ аз 4 миллиону 408 ҳазор интихобкунанда 1 миллиону 350 ҳазору 359 нафар иштирок намуда, раъйи худро додаанд.
А. Додозода ҳамчунин афзуд, ки то ин лаҳза ба КМИР 1 адад шикоят ворид гардид, ки он фавран баррасӣ гардида, ҳалли мусбати худро ёфт.