Баррасии маълумоти кушода дар заминаи ҳукумати электронӣ

         Душанбе, 6.03.2015. (АМИТ «Ховар», Манижа Баҳромзода).- 5 марти соли 2015 дар шаҳри Душанбе дар мавзӯи «Маълумоти кушода дар заминаи ҳукумати электронӣ: равишхои байналмилалӣ ва таҷрибаи Молдова дар заминаи Тоҷикистон» дар Донишкадаи идоракунии давлатии назди Президенти Ҷумҳурии Тоҷикистон семинари дурӯза баргузор гардид. Семинар дар доираи лоиҳаи «Инкишофи маълумотҳои  кушода дар Ҷумҳурии Тоҷикистон»-и Бунёди  ҷамъиятии «Интернет» бо дастгирии молии Шуъбаи байналмилалии Институти «Ҷамъияти кушода» — Бунёди Мадад дар Тоҷикистон сурат гирифт.
  Ҳадафи  семинар муаррифии мафҳумҳое, чун «маълумоти кушода» ва «ҳукумати кушода» барои хидматчиёни давлатӣ ва ҷомеаи шаҳрвандӣ тавассути омӯзиши таҷрибаҳои байналмилалӣ аст. Ба хотири баррасии модулҳои идораи имконпазири маълумотхои кушода ва санадҳои меъёрию ҳуқуқии зарурӣ дар Точикистон дар ин семинар  намояндагони хизматчиёни давлатӣ ва ҷомеаи шаҳрвандӣ ширкат намуданд.
Мутахассисони Институти ҳукумати кушодаи Ҷумҳурии Молдова — Константин Русу ва Николае Кретсу  бо иштирокчиёни семинар масъалаҳоеро, аз қабили ташаббусҳои ҷахонӣ оид ба маълумоти кушода ва донишҳои кушода, омилхои маълумоти кушода, аз дастрасӣ ба иттилоот то коркарди дубораи иттилооти оммавӣ баррасӣ намуданд.