Бунёди Академияи КДАМ

 
Душанбе, 13.03.2015. (АМИТ «Ховар», Бекназари Абӯбакр). — Имрӯз бо иштироки Президенти Ҷумҳурии Тоҷикистон Эмомалӣ Раҳмон дар пойтахти кишвар санги асоси бинои Академияи Кумитаи давлатии амнияти миллии Ҷумҳурии Тоҷикистон, ки дар ҳудуди 5 гектар бунёд мешавад, гузошта шуд. 
Дар ин мавзеъ дар баробари бинои маъмурии Академия, ки аз 11 ошёна иборат хоҳад буд, ҳамчунин  Маркази фарҳангӣ барои 500 ҷойи нишаст, иборат аз 7 ошёна, Маркази варзишӣ барои 750 ҷойи нишаст бо ҳавзи шиноварӣ, бинои таълимӣ барои 1000 ҷойи нишаст, бинои хобгоҳ иборат аз 7 ошёна ва дигар иншооти маишиву зарурӣ бунёд мегардад.
Сарвари Давлат Эмомалӣ Раҳмон зимни суҳбат бо масъулин доир ба сифати сохтмон ва корҳои иҷрошаванда дастурҳои мушаххас ва ҳидоятҳои муфид дод.