Дар партави Паёми Президенти мамлакат

Душанбе, 19.03.2015.(АМИТ  «Ховар», Лайло Тоирӣ).- Таъсиси ҷойҳои нави корӣ аз самтҳои муҳими сиёсати иҷтимоии Ҳукумати Ҷумҳурии Тоҷикистон мебошад. Ба мақсади иҷрои баъзе нуқтаҳои Паёми Президенти мамлакат оид ба таъсиси ҷойҳои нави корӣ дар маркази ноҳияи Роштқалъа Бахши Хадамоти муҳоҷират дар якҷоягӣ бо Шуъбаи меҳнат ва шуғли аҳолӣ ярмаркаи ҷойҳои кории холӣ гузаронид.
Дар ярмарка сардорони идораю муассисаҳо, бахшҳо бо пешниҳоди 32 ҷойи кории холӣ бо маоши аз 400 то 900 сомонӣ иштирок намуданд. Дар  ярмарка ба 10 нафар роҳхат дода шуда, 7 нафар бо кори доимӣ таъмин гардид, инчунин дар ҳамкорӣ бо филиали маркази таълими калонсолони ноҳия 15 нафар занону духтарони хонанишин ва духтарони аз Федератсияи Русия беруншуда ба омӯзиши касби дӯзандагӣ фаро гирифта шуданд.
Бояд тазаккур дод, ки дар  ярмарка бештар корҳои фаҳмондадиҳӣ барои муҳоҷирони меҳнатӣ оид ба  қонунгузории нави Федератсияи Русия ва иҷрои Қонуни Ҷумҳурии Тоҷикистон « Дар бораи муҳоҷирати дохилии аҳолии қобили меҳнат аз ноҳияҳои камзамин ва сераҳолии кўҳистон ба водиҳои дорои заминҳои бекорхобидаи ҷумҳурӣ» ба роҳ монда шуд.
Баҳри боз ҳам сабук гардонидани мушкилоти муҳоҷирони меҳнатӣ ва шаҳрвандоне, ки нияти сафар ба хориҷи кишвар доранд дар ҳамкори бо ташкилоти ноҳиявии Ҷамъияти Ҳилоли Аҳмари Тоҷикистон курсҳои омўзиши забони русӣ ва қонунгузории Русия гузаронида шуд.