Эфиопия таҷрибаи Тоҷикистонро дар самти бунёди НБО-ҳо омӯхтанист

Душанбе, 11.03.2015. (АМИТ «Ховар», Мавҷуда Анварӣ). -Дирӯз, 10-уми март сафири фавқулода ва мухтори Эфиопия Айалев Гобезие Воркенеҳ эътимодномаҳои худро бо паёму дуруд аз роҳбарияти кишвари худ ба Президенти Ҷумҳурии Точикистон тақдим намуд. Пас аз супоридани эътимоднома дар ҳузури хабарнигорон андешаҳояшро чунин баён намуд:
«Ҷумҳурии Федеративии Демократии Эфиопия барои таҳким ва густариши ҳамкориҳо бо Ҷумҳурии Тоҷикистон ҳавасманд мебошад. Алалхусус бо такя ба таҷриба ва узвият дар самт ва соҳаҳои кишоварзӣ ба иқтидори бузурги обии кишвари мо ҳавасманд ва алоқаманд аст, то таҷрибаи бойи ин кишварро дар самти бунёди неругоҳҳои барқи обӣ ва истифодаи оқилонаи захираҳои кишоварзӣ ва обӣ мавриди омӯзиш қарор диҳад. Тавре ки медонед, имрӯз иқтисодиёти кишвари мо -Эфиопия рӯ ба рушд ниҳодааст ва пойтахти кишвари мо-шаҳри Аддис-Абеба чун пойтахти сиёсиву дипломатии минтақаи Африқо пазируфта шудааст ва зиёда аз 100 сафоратхонаву намояндагиҳои созмонҳои байналмилаливу ниҳодҳои мухталиф дар пойтахти кишвари мо мустақар гардидаанд. 
Бинобар ин як рисолати асосӣ ва калидии ман ҷаҳду талош барои таҳким ва густариши муносибатҳои мо байни кишварҳои минтақаи Африқо ва Чумҳурии Тоҷикистон мебошад».