Фирдавс бо «Як бағал ғазал» омад
Душанбе, 03.03.2014.(АМИТ «Ховар», Марзия Саидзода).- Интишороти «Пӯён»-и Теҳрон маҷмӯаи ғазалҳои Фирдавси Аъзам — шоири ҷавони тоҷикро бо теъдоди 1000 нусха ба забони тоҷикӣ ва ҳуруфоти сириллику форсӣ мунташир намуд.
Китоби мазкур 30 ғазали Фирдавсро дар бар гирифта, бо ороиши нафис ба табъ расидааст. Фирдавси Аъзам қабл аз ин китоби ашъори «Абрҳои обӣ» — ро дар соли 2012 низ бо хатти форсӣ ва кириллии тоҷикӣ ба чоп расонда буд.
Устод Маҳдии Баҳманӣ, шоири номдори Эрон ба «Як бағал ғазал» пешгуфтор навишта ва аз зуҳури ин гӯяндаи тозабаён изҳори хушӣ намуда, гуфтааст, ки: «Ҳазрати эшон бо табъи шикананда ва зудранҷи шоиронаи худ аз сўзу гудози дарунӣ сухан ба миён оварда ва онҳоро ба забони шеър вогўя мекунад».
Латофат ва ҷаззобияти ашъори «Як бағал ғазал» дар каломи шоири ҷавон ба гунае иншо шуда, ки ба хонандаи жарфандеш асар мекунад ва бар забонаш сорӣ ва ҷорӣ мегардад.
Интизор меравад, ки китоби мазкур дар доираҳои адабии Эрон рӯнамоӣ ва ба бисёре аз марказҳои фарҳангӣ ба таври ройгон арза шавад. Бояд тазаккур дод, ки Фирдавси Аъзам дар хонаводаи Аъзами Хуҷаста — аз шоирони хушбаёни тоҷик дар соли 1984 ба дунё омадааст. Мавсуф хатмкардаи Донишкадаи забонҳои хориҷии Донишгоҳи Хуҷанд бо ихтисоси забони англисист.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
