Гӯштини камарбандӣ бахшида ба ҷашни Наврӯз

Душанбе,31.03.2015 (АМИТ “Ховар”, Рафоати Абдулҳамид).- Бахшида ба ҷашни Наврӯзи хуҷастапай 28 марти соли равон дар ҷамоати деҳоти Зарзамин мусобиқаи кушоди ноҳиявӣ оид ба намуди гӯштини камарбандӣ доир шуд.
Тавре ки Хадамоти матбуоти раиси вилояти Суғд хабар додааст,  дар мусобиқа дастаҳо аз шаҳру ноҳияҳои Исфара, Спитамен, Ҷаббор Расулов, Истаравшан, Масчоҳ, Бобоҷон Ғафуров ва кишвари ҳамсояи Қирғизистон ширкат варзиданд. Мусобиқаи мазкур дар сатҳи баланди ташкилӣ баргузор гашта, дар он беш аз 4000 нафар мухлис ҳузур дошт.
Дар охир ба ғолибони мусобиқа туҳфаҳои хотиравӣ, медал ва ифтихорномаҳо супорида шуданд.