Иқдоми наҷиб

Рашт,13.03.2015. (АМИТ «Ховар», М. Ризвонов).- Бо иқдоми мақомоти иҷроияи ҳокимияти давлатии ноҳияи Рашт ба хотири беҳбудӣ бахшидан ба сатҳи таълиму тарбия аз ҷумлаи кормандони дастгоҳи раис ва роҳбарони ташкилоту муассисаҳоои ноҳия гурўҳҳои намояндагӣ таъсис ёфта, ба макотибҳои ноҳия фиристода шуданд.
Гурўҳҳои намояндагӣ бо шароити таълиму тарбия шинос шуда, бо волидони хонандагон ва омўзгорони мактаб вохўриҳои судманд гузарониданд.
Дар назар аст, ки оянда чунин вохўриҳо моҳе як маротиба бо иштироки падару модарон ва намояндагии мақомоти иҷроия дар ҳар таълимгоҳ гузаронида шавад. Ин аз як тараф ба баланд бардоштани сатҳи дониши хонандагон мусоидат намояд, аз тарафи дигар алоқаи мустаҳками оила бо мактабро таъмин месозад.