Ифтитоҳи Маркази обтаъминкунӣ дар Кӯлоб
Кӯлоб, 06.03.2015. ( АМИТ «Ховар», Фарҳоди Мадамин).-Дар деҳаи Гулободи ҷамоати Даҳанаи шаҳри Кӯлоб Маркази обтаъминкунӣ ифтитоҳ шуд. Муовини аввали раиси шаҳри Кӯлоб Файзалӣ Қурбонов бошандагони се деҳаи ҷамоат- Гулобод, Гулзор ва Анварободро, ки бо оби ошомиданӣ таъмин шуданд, муборакбод гуфта, барои саҳмгузорӣ дар анҷоми як лоиҳаи калон, ки дар ҳамоҳангӣ бо ташкилоти ОКСФАМ амалӣ гашт, ба Кумитаи рушди маҳали ҳар се деҳа, ки дар онҳо дар маҷмӯъ бештар аз 3300 нафар зиндагӣ мекунад, изҳори сипос намуд. Роҳбари ташкилоти байналмилалаии ОКСФАМ дар Тоҷикистон аз ҳамкориҳои Мақомоти иҷроияи ҳокимияти давлатии шаҳри Кӯлоб ва ҷамоати Даҳана изҳори қаноатмандӣ намуд. Гуфта мешавад, дар пиёда намудани ин лоиҳа се деҳаи ҷамоат 2813 сомонӣ саҳм гузоштанд. Ин ҳанӯз охири кор нест, дар марҳилаи навбатӣ бунёди 14 дарвозаи хурди обтақсимкунӣ ба маблағи 68 ҳазору 690 сомонӣ дар назар дошта шудааст. Бояд гуфт, ки чанде пеш миёни Мақомоти иҷроияи ҳокимияти давлатии шаҳри Кӯлоб ва Барномаи Рушди СММ дар Кӯлоб тафоҳумнома ба имзо расид, ки тибқи он як лоиҳаи бузурги обтаъминкунии ҷамоатҳои деҳот амалӣ хоҳад шуд ва маблағи он бештар аз дувуним миллион сомониро дар бар мегирад.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
