Иштироки тими мунтахаби Тоҷикистон дар чемпионати Осиё

Душанбе, 17.03.2015. (АМИТ “Ховар”, Ситораи Боймурод).- Дастаи мунтахаби ҷавонони 23- солаи Тоҷикистон омодагиро барои иштирок дар марҳилаи интихобии чемпионати Осиё, ки аз 27-ум то 31-уми марти соли равон дар Фуҷайри Амороти Муттаҳидаи Араб баргузор мегардад, оғоз намуд. 
Тибқи иттилои сомонаи расмии Федератсияи футболи Тоҷикистон, даста зери роҳбарии сармураббӣ Алишер Тухтаев ҷамъомади омӯзишӣ-машқии худро дар Анталияи Туркия мегузаронад. 
Гуфта мешавад, ки сармураббии даста Алишер Тухтаев барои ширкат дар ин ҷамъомади омӯзишӣ-машқӣ 21 нафар футболбозро даъват намудааст, ки аз он 3 нафараш дарвозабон, 6 нафар муҳофизатгар, 7 нафар ниммуҳофизатгар ва 5 нафар ҳамлагар мебошад.