Мулоқоти Рустам Назарзода бо Михаел Пабст

Душанбе, 12.03.2015. (АМИТ «Ховар», Мавҷуда Анварӣ).-  Директори Агентии назорати маводи нашъаовари кишвар   Рустам Назарзода бо  афсари алоқаи Идораи Федеролии полиси криминалии Германия (БКА) оид ба Тоҷикистон, Қазоқистон ва Қирғизистон Михаел Пабст дирӯз дар шаҳри Душанбе мулоқот намуд.
Ҷонибҳо масъалаҳои тамоюли рушди вазъи вобаста ба маводи нашъаовар дар Осиёи Марказӣ, ҳамкории дуҷониба оид ба табодули иттилоот байни идораҳоро муҳокима намуданд.
Михаел Пабст омодагии худро барои гузоштани саҳми муносиб ба таҳияи “Стратегияи миллии мубориза бар зидди гардиши ғайриқонунии маводи мухаддир дар Ҷумҳурии Тоҷикистон барои солҳои 2013-2020” баён намуд.
Дар анҷоми мулоқот масъалаҳои рушди ҳамкорӣ байни Агентии назорати маводи нашъаовари назди Президенти ҶТ ва Идораи Федеролии Полиси Криминалии Германия баррасӣ гардиданд.