Озмуни экологӣ миёни хонандагони мактабҳои ҳамагонӣ

Душанбе, 06.03.2015. (АМИТ «Ховар»).-Кумитаи ҳифзи муҳити зисти назди Ҳукумати Ҷумҳурии Тоҷикистон бо мақсади амалӣ намудани сиёсати экологии Ҳукумати Ҷумҳурии Тоҷикистон ва баланд бардоштани  маърифату фарҳанги экологии  хонандагони  мактабҳои таҳсилоти ҳамагонӣ  доир ба натиҷагирии Даҳсолаи байналмилалии амалиёти «Об барои ҳаёт», солҳои 2005-2015 барои дарёфти Дипломи раиси Кумитаи ҳифзи муҳити зисти назди Ҳукумати Ҷумҳурии Тоҷикистон озмун эълон менамояд. 
       Озмун дар байни хонандагони синфҳои 1-4, 5-8, 9 -11  бо 9 номгӯй: расми беҳтарин, шеъри беҳтарин, мақолаи беҳтарин, ҳикояи беҳтарин, сурати беҳтарин, видеофилми беҳтарин, видеоролики беҳтарин, кори таҳқиқотии беҳтарин, кори меъмории  беҳтарин гузаронида мешавад. Ғолибони озмун бо мукофотҳои пулӣ қадрдонӣ  мешаванд (мукофотҳо аз 100 то 1000 сомонӣ муқаррар шудааст).   
Барои шинос шудан бо шартҳои озмун ба рақами  телефони   235-44-30 занг занед.