Спартакиадаи бонувони варзишгар дар Исфара

Душанбе, 13.03.2015. (АМИТ “Ховар”, Ситораи Боймурод).- 13-ум ва 14-уми марти соли равон дар шаҳри Исфара спартакиадаи бонувони варзишгар доир мегардад.
Тавре ки дар ин бора хадамоти матбуоти раиси вилояти Суғд хабар додааст, дар спартакиада варзишгарон аз рӯйи 7 намуд, аз ҷумла варзиши сабук, волейбол, футболи хурд, тенниси рӯйимизӣ, шашка ва шоҳмот барои дарёфти Ҷоми раиси шаҳри Исфара мубориза хоҳанд бурд.
Гуфта мешавад, ки дар  спартакиада дастаҳои варзишгарони шаҳру навоҳии вилояти Суғд, шаҳри Душанбе ва вилояти Ботканди Ҷумҳурии Қирғизистон қувваозмоӣ мекунанд.