ВКД ҶТ: баргузории чорабинии варзишӣ бахшида ба Наврӯз
Душанбе, 16. 03. 2015. (АМИТ «Ховар», Муқаддас Темурзода).-Ҳафтаи сипаригардида дар Боғи фарҳангӣ-фароғатии ба номи устод С. Айнии пойтахт мусобиқаи инфиродӣ-даставӣ оид ба «Дав» (кросс) байни Сарраёсат, раёсатҳо, шуъбаҳо ва ҷузъу томҳои дастгоҳи марказии Вазорати корҳои дохилӣ, РВКД дар ш. Душанбе, вилояти Хатлон, минтақа ва ноҳияи Рашт, ноҳияҳои тобеи ҷумҳурӣ бахшида ба фарорасии Иди байналмиллалии Наврӯз таҳти шиори «Варзиш барои оилаи солим ва зидди нашъамандӣ дар соли 2015» баргузор гардид.
Тибқи иттилои ВКД ҶТ, дар ин мусобиқа 14 даста ва 70 варзишгар иштирок намуданд. Дар мусобиқаи «кросс», яъне давидан барои мардон масофаи 3000 метр ва барои занону бонувон 1000 метр пешбинӣ шуда буд.
Бояд зикр намуд, ки зимни мусобиқа байни мардон (3000 м) ҷойи аввалро бо натиҷаи 10,46 дақиқа Баҳодур Мақсудов — намояндаи Академияи ВКД, ҷойи дуюмро бо натиҷаи 11,19 дақиқа Ҷовиди Алихон — намояндаи Қисми минтақавии РВКД вилояти Хатлон дар гурӯҳи ноҳияҳои Кӯлоб ва ҷойи сеюмро намояндаи дигари Академияи ВКД Фаррух Шамсиев бо натиҷаи 11,41 дақиқа соҳиб гардиданд. Дар мусобиқаи байни занон (1000 м) зинаи якумро шунавандаи Академияи ВКД Руҳафзо Саидова (4,26 дақиқа), ҷойи дуюмро Қурбонбегим Толибекова — корманди Раёсати ҳамкориҳои байналмилалии ВКД (5,00 дақиқа) соҳиб гашта, ҷойи сеюм насиби шунавандаи дигари Академияи ВКД Мавзуна Салимова (5,19 дақиқа) гардид. Ба ғолибони мусобиқа аз ҷониби Кумитаи тадорукот медал, «Ифтихорнома» ва туҳфаҳои хотиравӣ тақдим шуд.
Аз натиҷаи иштироки фаъолонаи варзишгарон дастаи Академияи ВКД пешсаф гардида, зинаҳои дуюму сеюмро дастаҳои Раёсати қӯшунҳои дохилӣ ва Сарраёсати хадамоти давлатии оташнишонии ВКД ишғол намуданд. Ба сардорони дастаҳои ғолиб диплом ва Ҷоми мусобиқа супорида шуд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






