Вохӯрии кормандони Хадамоти муҳоҷират дар Тавилдара

Душанбе, 10.03.2015.( АМИТ «Ховар», Лайло Тоирӣ).-Мулоқоти кормандони бахши Хадамоти муҳоҷират бо фаъолон, раисони маҳалла, директорони мактаб, ҷавонону занон ва муҳоҷирони меҳнатӣ дар деҳаи Ёзғанди ноҳияи Тавилдара доир гардид. Дар вохӯри сардори бахши Хадамоти муҳоҷират дар ноҳияи Тавилдара Муҳаббат Раҳматов оид ба тағйироту иловаҳо ба қонунгузории муҳоҷирати Федератсияи Русия, супоридани имтиҳон аз забони русӣ, таърих ва асосҳои қонунгузории ФР, инчунин гирифтани Патент суҳбат намуд.
Кобили кайд аст, ки дар вохўрӣ зиёда аз 84 нафар сокинони маҳалла иштирок намуданд. 
Меҳриддин Каримов, раиси маҳаллаи Ёзғанд фикру мулоҳизаҳои хешро оид ба робитаи муҳоҷирон бо падару модар ва зану ҳамсарони хеш, инчунин дурӣ ҷустан аз равияҳои ифротӣ ва иртиҷоӣ баён намуд.
Дар фарҷом ба саволҳои иштирокчиён аз тарафи кормандони бахш ҷавобҳои қаноатбахш дода шуда, буклетҳо ва рӯзномаи «Шуғл ва муҳоҷират» ба аҳли деҳа дастрас шуд.