Ҳавлирӯби беҳтарин дар «Хоҷа -обигарм» истироҳат мекунад

              Душанбе, 20.04.2015.(АМИТ «Ховар», Марзия Саидзода).- Ҳалима Муродова беҳтарин ҳавлирӯби пойтахт эълон гардида, ба вай шаҳрдории Душанбе дар маросими таҷлили Рӯзи пойтахт диплом, як адад телевизор ва роҳхат ба осоишгоҳи «Хоҷа обигарм»-ро тақдим намудааст. Ҳалима Муродова корманди Муассисаи давлатии Раёсати истифодабарии роҳҳои ноҳияи Синои пойтахт мебошад.
        Инчунин тибқи ҷамъбасти озмунҳои шаҳрӣ «Кооперативи соҳибмулкони манзили Парвоз»-и ноҳияи Шоҳмансур беҳтарин коперативи  соҳибмулкони манзил ва бинои истиқоматӣ, воқеъ дар кӯчаи Матросов, гузаргоҳи 4,хонаи 31,   беҳтарин манзил дар пойтахт арзёбӣ гардида,  ба онҳо диплом ва як маҷмӯъ компютер бо мизу курсӣ тақдим шуд.