Ҷаласаи Шӯрои вазирони корҳои хориҷии ИДМ дар Бишкек

 
Душанбе, 4.04.2015 (АМИТ «Ховар»).- 3 апрели соли 2015 дар ш.Бишкек ҷаласаи навбатии Шӯрои вазирони корҳои хориҷии Иттиҳоди Давлатҳои Мустақил (ИДМ) баргузор гардид.
Сарварони идораҳои сиёсати хориҷии кишварҳои аъзои ИДМ татбиқи Нақшаҳои машваратҳои байни вазоратиро дар ҳошияи ИДМ дар соли 2014 ва 2015 мавриди муҳокима қарор доданд. Ҳамчунин, Изҳороти вазирони корҳои хориҷи дар бораи 40-солагии баимзорасии Санади ниҳоии САҲА низ қабул шуд.
Зимни ҷаласа масъалаҳои ҳамкориҳо дар арсаҳои гуногуни амнияти наздисарҳадӣ дар минтақа, аз ҷумла оид ба татбиқи Барномаи ҳамкорӣ ҷиҳати мустаҳкам гардонии сарҳадҳои бурунмарзӣ дар солҳои 2016-2020, марбут ба ҳамкорӣ дар соҳаи маориф, аз ҷумла лоиҳаи Созишнома дар бораи такмили ихтисоси омӯзгорони муассисаҳои таълимии миёнаи давлатҳои аъзои ИДМ маъқул дониста шуд.
Созишномаи мазкур ҷиҳати таҳким ва рушди устувори ҳамкорӣ дар соҳаи маълумоти иловагии омӯзгорон равона шудааст.