Ҷамъбасти мусобиқаи ҷумҳуриявӣ оид ба чавгонбозӣ
Душанбе, 13.04.2015 (АМИТ «Ховар», Фарзонаи Давлат).- Аз 10 то 12 апрели соли равон бо ибтикори Кумитаи ҷавонон, варзиш ва сайёҳӣ дар ҳамкорӣ бо Федератсияи чавгонбозии мамлакат дар Донишкадаи тарбияи ҷисмонии Тоҷикистон ба номи Саидмуъмин Раҳимов Мусобиқаи ҷумҳуриявӣ оид ба чавгонбозӣ байни калонсолон баргузор гардид. Бино ба иттилои Наврӯз Қурбонов, мутахассиси пешбари Бахши таҳлилу иттилооти Кумитаи ҷавонон, варзиш ва сайёҳӣ, дар мусобиқа дастаҳои Хатлон 2, Суғд, Душанбе 1 ва Душанбе 2 иштирок варзида, байни ҳам қувваозмоӣ намуданд. Гуфта мешавад, мусобиқаи мазкур ба таври даврӣ сурат гирифта, дастаҳо бо ҳам вохӯрданд. Дар натиҷа бо гирифтани холҳои зиёд дастаи Хатлон соҳиби ҷои аввал гардида, бо диплом ва медалҳои тиллои мусобиқа сарфароз гардонида шуданд.Ҳамин тавр ҷои дуввум насиби дастаи Душанбе 1 ва ҷои сеюмро чавгонбозони вилояти Суғд соҳиб гардиданд. Масъулини мусобиқа мақсад аз баргузории онро ташвиқу тарғиби чавгонбозӣ, мустаҳкам намудани дӯстӣ ва ваҳдат миёни варзишгарон, баланд бардоштани маҳорати касбии чавгонбозон ва муайян намудани ҳайати дастаи мунтахаби Ҷумҳурии Тоҷикистон оид ба чавгонбозӣ арзёбӣ карданд. Ёдрас мешавем, ки солҳои охир таваҷҷуҳи роҳбарият ва Ҳукумати мамлакат нисбат ба чавгонбозӣ зиёд гардида, он дубора эҳё мегардад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






