200 ҷавон Омӯзишгоҳи олии сарҳадии «КДАМ»-ро хатм кард
Душанбе,22.04.2015. (АМИТ «Ховар», Мавҷуда Анварӣ).-Як гурӯҳ ҷавонон баъд аз пурра аз худ кардани донишҳои низомӣ ва ҳифзу ҳимояи сарҳадоти мамлакат дар Қисми низомии 2620-и қӯшунҳои сарҳадии Кумитаи давлатии амнияти миллии Ҷумҳурии Тоҷикистон бо рутба ва диплом сарфароз гардонида шуданд. Маросими супоридани рутба ва дипломҳо дар фазои тантанавӣ доир гардид. Қариб 200 нафар ҷавон Омӯзишгоҳи олии сарҳадии «КДАМ»-ро хатм ва қисме аз ин теъдод баъд аз гузаштани 1,5 соли адои хизмат барои идомаи хизмати ҳарбӣ савганд ёд кард.
Дар маросими супоридани рутба ва дипломҳо масъулони КДАМ ҶТ, Сарраёсати қӯшунҳои сарҳадии ҳамин Кумита, собиқадорон ва меҳмонони зиёде аз мақомоти дахлдор ширкат карда, ин муваффаққиятро барои ҷавонони сарбаланд шодбош гуфтанд. Баъд аз анҷоми маросими савгандёдкунӣ дар ҳузури наздикону пайвандон сарбозону афсарон дониш ва қобилияти низомии дар ҷараёни таҳсил омӯхтаашонро бо чусту чолокии хосса намоиш доданд.
Ҳамзамон барои мукаммал намоиш додани дарсҳои низомӣ амалиёти махсусро низ намоиш доданд, ки ҳолатҳои убури ғайриқонуниро дар сарҳадоти мамлакат инъикос намуд.
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Имрӯз дар ноҳияҳои алоҳидаи Тоҷикистон чангу ғубор ба амал меояд
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
