Академик Соҳиб Табаров даргузашт
Душанбе,13.04.2015. (АМИТ «Ховар», Мавҷуда Анварӣ).- Соҳиб Табаров академик, адабиётшиноси маъруфи тоҷик 12 апрели соли ҷорӣ дар синни 91 дар зодгоҳаш-ноҳияи Муъминобод аз олам чашм пӯшид. Соҳиб Табаров соли 1924 дар ноҳияи Муъминободи вилояти Хатлон ба дунё омадааст. Марҳум узви вобастаи Академияи илмҳои ҶТ, доктор ва профессори фахрии Донишгоҳи миллии Тоҷикистон, муаллифи зиёда аз 850 асару таълифоти илмӣ мебошад. Ҳаёт, адабиёт, реализм (дар панҷ ҷилд, солҳои 1966-1989), С. Айнӣ қофиласолори адабиёти советии тоҷик (1977), Мунзим. Беҳбудӣ (2002) аз китобҳои маъруфи ӯянд. Ду сол қабл китоби нави ӯ бо номи Пайрав Сулаймонӣ дар Душанбе нашр ва дар Китобхонаи миллии Тоҷикистон муаррифӣ шуд. Ин китоб давоми асарест, ки дар солҳои шастуми қарни гузашта аз сӯи академик Табаров дар бораи шоири тоҷик Пайрав Сулаймонӣ навишта шудааст.Ин донишманди тоҷик дирӯз дар ноҳияи Муъминобод дар канори қабри ҳамсараш Ванда Витолдовна, ки тирамоҳи соли 2008-ум дунёро падруд гуфт, ба хок супорида шуд. Соҳиб Табаров соҳиби ду фарзанд-як писар ва як духтар мебошад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






