Баррасии ҳамкориҳои Тоҷикистону Чин дар соҳаи саноат

Душанбе, 21.04.2015 (АМИТ «Ховар», Фарзонаи Давлат).- Имрўз вазири саноат ва технологияҳои нави кишвар Шавкат Бобозода бо ноиби Президент (намояндаи саҳмдорон)-и Ширкати «Зиҷин»-и Ҷумҳурии мардумии Чин Чен Жен Хе мулоқот кард.Бино ба иттилои котиботи Вазорати саноат ва технологияҳои нав, зимни мулоқот масъалаҳои ҳамкориҳои дуҷониба дар доираи рушди минбаъдаи ҶММ КМ «Зарафшон», ҷалб намудани сармояҳои иловагӣ, сохтмони заводи гидрометаллургӣ бо маблағи 100 млн доллари ИМА, таъминоти корхона бо қувваи барқ ва тақсимоти дивидендҳои соли 2014 мавриди баррасӣ қарор дода шуданд.Ҷонибҳо аз натиҷаи вохӯрӣ изҳори қаноатмандӣ намуда, ҳамчунин иброз доштанд, ки густариши ҳамкориҳои дуҷониба ба манфиати ҷонибҳо хоҳад буд.