Биноҳои ҷузъу томи махсуси ВКД мавриди истифода қарор гирифтанд

 
Душанбе, 01.04.2015. (АМИТ «Ховар»,  Муқаддас  Темурзода).- 30 март  дар  шаҳри  Душанбе бо  иштироки вазири  корҳои  дохилии  ҶТ Раҳимзода  Рамазон  Ҳамро  биноҳои нави ҷузъу  томи  махсуси  ВКД ҶТ  оид ба  таъмини  амнияти ҷамъиятӣ  дар хатсайри Сарвари  давлат  ва меҳмонони  олиқадр,  ҳамчунин  шуъбаи  Бозрасии давлатии автомобилии  Раёсати ВКД  мавриди  истифода  қарор  гирифтанд.
Роҳбари  ВКД  бо  шароити  хидмати  кормандони ҷузъу  томи  махсуси  иншоотҳои зикршуда шинос  шуда, аз  қисмҳои  навбатдорӣ,  утоқҳои  корӣ, маҷлисгоҳ,  биноҳои  маишӣ ва ҳайати  шахсӣ  дидор  карда, бо  ҳайати  шахсӣ  суҳбат  намуд. 
Қобили  зикр  аст, ки  биноҳои  зикршуда бо  услуби  имрӯза  бунёд  гардида, бо  таҷҳизоти  зарурӣ таъмин  шудаанд.
Назар  ба  иттилои  ВКД ҶТ,  иншоотҳои нав  бо  дастгирии  соҳибкорони маҳаллӣ, роҳбарияти Вазорати  корҳои дохилӣ ва Ҳукумати  кишвар  бунёд  шудаанд.