Хуҷанд: Дастаи футболбозони Мевағул соҳиби Ҷоми раиси шаҳр

Душанбе, 30. 04. 2015. (АМИТ «Ховар», Мавҷуда Анварӣ).-Аз 9 то 28 апрели соли равон дар майдончаи сунъии Мактаби варзишии бачагон ва наврасони №1-и шаҳри Хуҷанд мусобиқаи Ҷоми раиси шаҳри Хуҷанд оид ба футболи хурд байни наврасони маҳаллаҳои маркази вилоят, ки соли таваллудашон 2000-2002 аст, баргузор гардид.Дар мусобиқа 200 нафар варзишгар аз 15 маҳалла ширкат варзид.Дар натиҷа ҷойи якум ва Ҷоми раиси шаҳри Хуҷандро дастаи футболбозони навраси маҳаллаи Мевағул (13-18мкр) соҳиб гашт.Ҷойҳои дуюм ва сеюмро дастаҳои маҳаллаҳои «Сайхун» ва дастаи маҳаллаи «1-уми Май» мутаносибан ишғол намуданд. Ҳамчунин аз ҷониби доварон ва мухлисон бозингарони беҳтарин муқаррар шуданд. Дарвозабон Пӯлод Алибоев аз дастаи «Мевағул», муҳофизатгар Ҷамшед Оқилов аз дастаи «Сирдарё» ва ҳамлагар Самад Самадов аз дастаи Сайҳун чун бозингарони беҳтарин пазируфта шуданд.Ғолибон ва ҷоизадорон аз тарафи федератсияи футбол ва бахши ҷавонон, варзиш ва сайёҳии шаҳри Хуҷанд бо ҷом, ифтихорнома ва туҳфаҳои хотиравӣ сарфароз гардонида шуданд.