Хуҷанд: «Тибби Аҷам»-маркази ташхис

Душанбе,14.04.2015. (АМИТ «Ховар», Мавҷуда Анварӣ).-Дар шаҳри Хуҷанд боз як маркази ташхиси тиббии муосир бо номи «Тибби Аҷам» ба фаъолият шурӯъ намуд, ки дар маросими ифтитоҳи он раиси шаҳр Раҷаббой Аҳмадзода иштирок намуд.Раиси шаҳр ҳангоми шиносоӣ бо фаъолияти марказ гуфт, ки ин тадбир баёнгари он аст, ки барои амалӣ намудани дастуру супоришҳои Президенти Ҷумҳурии Тоҷикистон Эмомалӣ Раҳмон бобати баланд бардоштани сатҳу сифати муолиҷа ва хизматрасонии тиббӣ дар кишвар заминаи мусоид фароҳам омадааст.Дар марказ панҷ дастгоҳи ташхиси рақамии ултрасадо, рентген аз Иёлоти Муттаҳидаи Амрико, Куриёи Ҷанубӣ ва Ҷопон дастрас ва насб шудааст, ки дар вилоят беназир буда, аз ҷониби мутахассисони ҷавони соҳибтаҷриба идора мешавад.Маркази фавқуззикр аз ҷониби ширкати «Чор додарон» бо харҷи беш аз як миллион сомонӣ бунёд шудааст.