Истеҳсоли маҳсулоти саноатӣ ба маблағи 824,3 млн сомонӣ

Душанбе, 29.04.2015. (АМИТ Ховар, Рафоати Абдулҳамид).- Дар семоҳаи якуми соли 2015 дар ҷумҳурӣ ба маблағи 2516,3 млн сомонӣ маҳсулоти саноатӣ истеҳсол шуд, ки нисбат ба ҳамин давраи соли 2014- ум 16,7 фоиз зиёд шудааст. Дар моҳи марти соли 2015 ба маблағи 824,3 млн сомонӣ маҳсулоти саноатӣ истеҳсол шудааст, ки аз сатҳи соли 2014- ум 23,7 фоиз баланд аст. Дар саноати истихроҷ ҳаҷми истеҳсолот 263,9 млн сомонӣ, саноати коркард 1519,8 млн сомонӣ, дар истеҳсолу тақсимоти неруи барқ, газ ва бо 732,6 млн сомониро ташкил дод.Дар семоҳаи якуми соли 2015 аз 1812 корхонаи саноатии ҳисоботдиҳанда, 408 корхона ё 22,5 фоизи шумораи умумӣ кор накард.Дар давраи ҳисоботии соли 2015 истихроҷи нафт, газ, ангиштсанг ва ангишти бӯр, маводи ғайри маъдании бинокорӣ, истеҳсоли маҳсулоти ҳасибӣ. панир, маҳсулоти шири холис, истеҳсоли маснуоти қаннодӣ, оби ҷав, оби маъданӣ, папиросу сигоретҳо, нархи пахта, чигити тухмии пахта, маснуоти ҷӯробу пайпоқ, пойафзол (аз ҷумла бачагона), собуни хоҷагӣ ҷомашӯӣ, бензин, сӯзишвории дизелӣ, асфалт, семент, оҳаки бинокорӣ. оҳану бетон, тахтасангҳои мармарӣ, хишти бинокорӣ, трансформаторҳо, маснуоти кабелӣ, истеҳсоли неруи барқ, қувваи ҳароратӣ афзуд.