«Китобхона ҳамчун маркази фарҳангию таърихии пойтахт»
Душанбе,18.04.2015. (АМИТ «Ховар», Мавҷуда Анварӣ).-Дар доираи чорабиниҳо бахшида ба 90-солагии пойтахти Тоҷикистон- шаҳри Душанбе, дар Китобхонаи миллӣ дар мавзӯи «Китобхона ҳамчун маркази фарҳангию таърихии пойтахт» ҳамоиш доир гардид.
Иштирокчиён аз таърихи гузаштаи сарчашмаҳои нигоҳдории китоб аз ҷониби шахсиятҳои илмдӯсту фарҳангпарвар сухан гуфтанд. Тавре ки гуфта шуд, сарфи назар аз бесарусомониҳои таърихиву сиёсӣ шоирону нависандагон, олимону донишмандон ва онҳое, ки ба илму дониш таваҷҷуҳ доштанд, дар ҳама давру замон китобҳои нодиру арзишмандро ҳифз мекарданд, то фарҳанги миллат нобуд нагардад. Таъкид шуд, ки чунин шахсиятҳо дар бақои илму фарҳанги тоҷикон саҳми пурарзиш гузошта, теъдоди зиёди китобҳои гаронбаҳоро то ба имрӯз расониданд. Дар замони муосир барои башарият нигоҳдориву ҳифзи китобҳо бо усулҳои наву пешрафта, тавассути бунёди китобхонаҳо, ки дорои тамоми шароитанд ва китобхонаҳои электронӣ ба миён омадааст, ки аз он асрҳои баъдӣ наслҳо метавонанд самаранок истифода баранд. Таъкид шуд, ки маҳз тавассути китобҳои нодири илмӣ, таърихӣ ва бадеӣ инсонҳо аз фарҳангу тамаддуни гузаштаи миллати худ бохабару огаҳ буда метавонанд. Китобхонаҳои муосир бо мақсаде бунёд шудаанд, ки дар ин макони илму маърифат наслҳо дониши худро баланд бардоранд, фарҳанги миллиро идома диҳанд ва дар ҷомеа корҳои шоистаро анҷом диҳанд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






