Маҳфили кўдакон бахшида ба Рўзи Замин

Душанбе, 28.04.2015. (АМИТ «Ховар», Назир Назиров)..-25 апрели соли равон дар театри «Ҷавонон»-и шаҳри Душанбе чорабинии экологӣ бахшида ба Рўзи ҷаҳонии  Замин баргузор гардид. Дар чорабинӣ саҳмгузорандагон моҳияти  масоили беҳдошти  Заминро, ки  асоси ҳастии инсон ва мавҷудоти дигари олам аст, баён доштанд.
Сипас дастаи эколог-наврасони маркази таълимии томактабии «Навниҳол» бо қироати шеърҳо дар бораи Замин, суруду рақс ва бо иҷрои саҳначаҳои тарбиявӣ диққати иштирокдоронро  болида намуданд.
Дар чорабинӣ филми тасвирии «Афсонаи Айра» намоиш дода шуд. Ҳамчунин иштирокдорон аз бахши намоиши маҳсули офаридаи кўдакон дар бораи Замин ғизои маънавӣ гирифтанд.
Дар идомаи иқдоми пайгирифтаи маркази мазкур филми ҳуҷҷатии «Хонаи вохўрии Кайҳон бо Замин» ба маърази тамошо гузошта шуд.