Муҳоҷирон соҳиби замин шуданд
Душанбе, 27.04.2015. (АМИТ «Ховар», Лайло Тоирӣ).-Бино ба иттилои сухангӯи Хадамоти муҳоҷират А.Қодирӣ дар асоси қарори Ҳукумати Ҷумҳурии Тоҷикистон аз минтақаҳои камзамини ноҳияҳои Айнӣ ва Кӯҳистони Мастчоҳи вилояти Суғд ба ноҳияи Хуросони вилояти Хатлон кӯчонидани муҳоҷирони дохилӣ (ихтиёрӣ) идома дорад.
Дар асоси супориши сардори Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд ҳафтаи гузашта сардори бахши Хадамоти муҳоҷират дар ноҳияи Айнӣ ба ноҳияи Хуросон сафар намуд.
Мақсад аз сафари корӣ ба ноҳияи Хуросон шинос шудан бо вазъи муҳоҷирати дохилӣ ва мусоидат ба ҳалли мушкилоташон мебошад.
Дар доираи ин сафар 15 оилаи муҳоҷири дохилии ноҳияи Айнӣ ва 21 оилаи муҳоҷири ноҳияи Кӯҳистони Мастчоҳ соҳиби қитъаи замин барои бунёди манзил шуд.
Раёсат тасмим гирифтааст, ки дар ояндаи наздик боз гурӯҳҳои кориро ба ноҳияи Хуросон сафарбар намояд.
Имрӯз дар ноҳияҳои алоҳидаи Тоҷикистон чангу ғубор ба амал меояд
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
