Муҳокимаи масъалаи рушди ҳамкории Тоҷикистону Туркия
Душанбе,22.04.2015 (АМИТ «Ховар» Кристина Эрлих).- 20 апрел раиси Палатаи савдо ва саноати Тоҷикистон Шариф Саид ва ҳамраиси Шӯрои соҳибкорони «Туркия — Тоҷикистон» Маҳмуд Эр масоили рушди ҳамкории ду -ҷонибаи тиҷоратию иқтисодӣ бо василаи кушодани намоишгоҳу ярмаркаҳо ва ташкили конгрессҳо бо иштироки тоҷирони Туркия дар намоишгоҳи байналмилалии «ИНТЕРЛЕГПРОМ- 2015» — ро мавриди муҳокима қарор доданд. Намоишгоҳ аз 18 то 21 июни соли ҷорӣ доир гардида, ба саноати сабук бахшида мешавад.
«Намоишгоҳ бахши муҳими ҳамкории байналмилалӣ маҳсуб ёфта, имконияти намоиш додани дастовардҳои беҳтарини кишвар ва шиносоӣ бо намунаҳои беҳтарини хориҷии маҳсулот ва хидматрасониро фароҳам меорад», — зикр намуд Шариф Саид.
Маҳмуд Эр дар навбати худ саъйю кушишҳои соҳибкорони Туркияро барои роҳандозии ҳамкории фаъолона бо тоҷирони Тоҷикистон пазируфт. Дар ҷараёни мулоқот зарурати рушду густаришдодани бахши тиҷорати ҳарду кишвар зикр гардид. Ҳамчунин зикр шуд, ки ҳарду кишар барои густариши ҳамкорӣ имконоти фаровон доранд.
Ёдовар мешавем, ки дар Тоҷикистон Ассотиатсияи соҳибкорони Тоҷикистону Туркия ва бархе корхонаҳои муштарак фаъолият доранд.
Дар ин бора аз дафтари матбуоти ПСС ҶТ ба АМИТ «Ховар» хабар доданд.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
